Rûsya dixwaze têkiliyên xwe li gel Kurdistanê bihêztir bike.
Îro li Selahedînê Serok Barzanî pêşwaziya balyozê Rûsyayê yê li Bexdayê Maxim Maximov û şandeke pê re kir.
Di civînê de balyozê Rûsyayê silavên taybet yê wezîrê derve yê Rûsyayê gehande Serok Barzanî û balkêşande ser têkiliyên dîrokî yên di navbera Rûsya û gelê Kurdistanê û ragihand ku Kurdistan bo Rûsyayê xwedan girîngiyeke taybete û Rûsya dixwaze li gel Kurdistanê tevbigere.
Maxim Maximov herwiha hêvî xwest ku têkiliyên navbera Kurdistan û Rûsyayê werin bihêztir kirin û amadebûna kompaniyên Rûsî bo berfiretir kirina kerta petrolê û warê abûrî de li Kurdistanê de diyar kir.
Maximov jiber parastina mafên mesîhî û pêkhateyên din yên olî û etnîkî spasiya gel û hikûmeta Kurdistanê kir.
Di beşeke din ya civîna han de Serok Barzanî jî spasiya helwesta dostane, hevseng û waqê bînane ya Rûsyayê a li hember rewşa siyasî û ew metirsiyên ku di nava çend mehên derbasbûyî de rastî Kurdistanê hatibûn, kir û anî ziman ku bihevre jiyan, aştîxwazî û nebûna hesasiyetên olî û mezhebî beşek girîng ji çanda gelê Kurdistanê ne.
komênte (0)
heta niha komênt nehatiye nivîsandin