Hat ragihandin ku li navenda Efrînê teqînekê rû daye û di encam de 3 leşkerên tirk hatine kuştin.
Li gor agahiyên hatine bidestxistin îro danê sibê li navenda bajarê Efrîna Rojavayê Kurdistanê di dema lêkerîn û lêkolînên leşkerên tirk de teqînek pêk hat.
Serokwezîrê Tirkiyê Bînalî Yildirim di derbarê bûyerê de ragihand ku di encama teqînê de 3 leşkerên tirk hatine kuştin.
Bajarê Efrînê 18ê vê mehê piştî 58 rojên berxdana hêzên Kurdî û xelkê Efrînê, ji aliyê çekdarên artêşa tirk û çekdarên cîhadîst ve hatibû dagirkirin.
Wan çekdarên artêşa tirk piştî dagirkirina Efrînê dest bi dizî û talana mal û milkê Kurdan kiribû.
komênte (0)
heta niha komênt nehatiye nivîsandin