'Tifaqa AKP-MHPê li ser dijminatiya kurdan tê meşandin

Hevberdevka Partiya Çep ya Kesk Eylem Tuncaelli li ser tifaqa hilbijartinê ya navbera AKP-MHPê got, ev tifaqa wan li ser dijminatiya kurdan dimeşe.

Hevberdevka Partiya Çep ya Kesk Eylem Tuncaelli di bernameyeke kanala televîzyonê ya KRTê de li ser mijara tifaqa hilbijartinê ya navbera AKPê û MHPê axivî.

Tuncaelli derbirî ku ev tifaq eniyeke neteweperest e û got, "Ev li ser dijminatiya kurdan hatiye avakirin û ne pêkan e ku ji kurdan dengan bistîne."