Pentagon: Artêşa Amerîkî bo berevaniyê amadeye

Berdevka Wezareta Berevaniyê Dana White diyar kir ku ew jiber axaftina Serokê Rûsya Vladimir Putin ya ser çekên navokî şaş nebûne û ew bo berevanîya neteweya Amerîkî amade ne.

Whita dîyar kir ku ti eleqeya pergala berevaniya muşekî ya Amerîka bi Rûsya re tune.

Qesra Sipî jî da zanîn ku hêzên Amerîkî di berevaniyê de bêrikeber in û ewê wisa jî bidome.

Berdevka Qesra Sipî Sarah Huckabbe Sanders da zanîn ku Putin tiştên ku Amerîka ji berê de zanibûn eşkere kirine.

Putin diyar kiribû ku Rûsya hin çekên navokî yên nû diceribîne û di nav wan de hin muşekên ku dikarin hemî pergalên berevaniyê derbaz bikin, hene.