Thomas Bossert: Dixwazim Tirkiye bêyî şer ji Efrînê vekişe

Şêwirmendê Ewlekariya Naxweyî yê Qesra Sipî  Thomas Bossert li 48. Forûma Aborî ya Cîhanî de ku li Davosa Swîsre birêve diçe axivî û got, Amerîka bi fikare ji ber şerên di navbera HSDê û Tirkiyê de.

Şêwirmendê Ewlekariya Naxweyî yê Qesra Sipî Thomas Bossert, metirsiyên dewleta xwe yên derbarê operasyona Tirkiyê ya bi ser Efrînê de dubare kirin. Bossert diyar kir ku ew naxwaze di navbera HSDê û Tirkiyê de şer derkeve got: "Ez dixwazim ku Tirkiye bêyî şer ji Efrînê vekişe."