Rojnameya Brîtanya Times operasyona Tirkiyê ya Efrînê şîrove kir: Serokkomarê Tirkiyê Recep Tayip Erdogan, li Sûriyê bi êgir dilîzê.
Daxuyaniyên Tirkiyê ku dibêje ez ê li hember Efrînê operasyonekê li dar bixim di rojeva cîhanê de ne. Yek ji rojnameyên girîng yên Brîtanya Times, daxuyaniyên Serokkomarê Tirkiyê Recep Tayip Erdogan di ser nivîsa xwe de nirxandin.
Rojnameyê parast ku Tirkiye wekî endameke NATOyê heke ‘bixwaze armancên xwe yên li Rojhilata Navîn pêkbîne, divê mutefîkên xwe bi xwe bide bawer kirin û ev yek dê serkeftinê bîne' û diyar kir ku divê kêşeyên di navbera Tirkiye û Amerîkayê de divê di nava NATOyê de were çareser kirin.
Di sernivîsa ku bi "Serokkomarê Tirkiyê Tayip Erdogan, li Sûriyê bi agir dilîzê' dest pê dike, tê gotin ku heke Erdogan operasyonê pêkbîne dê du mutefik Tirkiye û Amerîka werin hemberî hev.
Di nivîsa ku tê de tê gotin ‘Erdogan, berî ku leşker bişîne Sûriyê divê careke din bifikire' diyar dike polîtikaya Sûriyê ya demên dawî ya Tirkiyê kontrolkirina kurdan e. Di nivîsa ku YPG tê de wekî duvikê PKKyê tê nîşan dan ku ji aliyê dewletên Rojavayî ve wekî rêxistineke terorî tê dîtin ev tiştên weha hatie nivîsîn:
"Lê belê Amerîka bi armanckirina sazkirina hêzên li ser sînor armancên mentiqî diajo. Li Bakurê Sûriyê dîsa derketina holê ya DAIŞê, dê hêviyên xelaskriina şer biqedîne.
Perwerde kirina milîtanên kurd yên berê ku ji bo bibin parêzvanên sînorê Sûriyê, ne vexwendineke ji bo şîdetê û ewlehiya Tirkiyê lê ji bo ku ew entegreyî Sûriyeya federal bibin gava ewil e.
Kêşaya kurd, li ser navê avakirina dewleteke kurdan, dîsa bi parçekirina Rojhilata Navîn nayê çareser kirin. Divê armanca ewil ya hêzên rojavayî ew be ku, di nav yekrêziya Sûriyê ji bo federaliyê qadeke mezintir vekin. Sînorên bi ewle ji bo vê pêwistiyeke jiyanî ne, herwiha rêzgirtina Tirkiyê a ji bo van sînoran jî."
komênte (0)
heta niha komênt nehatiye nivîsandin