Hevpeymaniya Ebadî û heşda şebî têk çû

8 grûpên Heşda Şebî ji hevpeymaniya Ebadî vekişiyan

Hat zanîn ku 8 grûpên Heşda Şebî ji hevpeymaniya serokwezîrê Iraqê Heyder Ebadî vekişiyane.

Li gorî medyaya Iraqî, 9 pêkhate ji hevpeymaniya Nesrî, ya ku ji aliyê Ebadî ve bo hilbijartinan hatiye avakirin, vekişiyane ku 8 ji wan grûpên Heşda Şebî ne.

Ebadî roja 14 vê mehê rêkeftina navbera hevpeymaniyên şîe yên Nesr û Feth kir û navê tifaqa nû jî kir Nesrî. Tifaqa han bo hilbijartinên giştî yên Iraqê ye.

Grûpên ku ji tifaqa Nesrî vekişiyane, ragihandine ku ji ber tevlîbûna serokê bizava Hîkme Emar Hekîm di nav wê tifaqê de vekişiyane.

Hevpeymaniya Nesr ya Ebadî bû û hevpeymaniya Feth jî ya serokê Heşda Şeibî Hadî Amirî bû. Serokê tifaqa nû ya navbera Nesr û Feth (Nesrî), Heyder Ebadî ye.