Jiber dûmana sobeyê sê welatî canê xwe ji dest dan

Ev bûyer li nahiyeya Keleka kevin qewmiye.

Di vê derbarê de polîsê Hewlêrê diyar kir ku şeva derbasbûyî di encama dûmana sobeyeke gazê di nava malekê de, sê welatî ku endamên yek malî bûne canê xwe ji dest dane û endamekî din yê vê malê jî birîndar bûye.

Polîsê Hewlêrê eşkere kir ku bûyer li nahiyeya Keleka kevin ya ser bi qezaya Xebat ya ser bi Hewlêrê qewmiye.

Weke tê zanîn di meha 12an ya sala 2017an de jî li gundekî nêzî Koyeyê di encama teqîna sobeyekê de 6 endamên malekê canê xwe ji dest dabûn.