Rejîma Sûriyayê piştgîriya xwe bo Îranê diyar kir

Wezareta Derve ya Sûriyê ser bûyerên li Îranê diqewimin daxuyaniyek belav kir.

Wezaretê di daxuyaniya xwe de diyar kir ku divê ji desthilata Îranê re rêz were girtin û ti dewletên din jî mudaxeleyî karên navxweyî yên wî welatî nekiin.

Wezareta Dere ye Sûriyê, Amerîka û Îsraîl jiber piştgiriya wan ya bo xwepêşandaneran rexne kir û da zanîn ku ‘’her du dewlet herêmê bêîstiqrar dikin’’

Wezaretê dîyar kir ku Sûriye ‘’bawer dike ku rêber, hikûmet û gelên Îranê dikarin vê komployê têk bibin’’

Protestoyên li Îranê roja Pêncşemê destpê kiribûn û heta niha 22 kes di protestoyan de hatine kuştin û bi qasî 450 kes jî hatine desteser kirin.