Proje Kurdistan ji Îraqê cuda dike û behsa her sê beşên din yên Kurdistanê dike.
Parlamenterekî Îsraîlê ji bo parlamentoya wî welatî projeyasayek amade kir û di wê projeyasayê de xwest ku cudahiyê têxe navbera Herêma Kurdistanê û herêmên din ên Rojhilata Navîn.
Parlamentera Parlamentoya Îsraîlê Ksenia Svetlova ji bo parlamentoya welatê xwe projeyasayek amade kir û di wê projeyasayê de xwest karên Îsraîliyên ku dixwazin ji bo bazirganî an jî karên akademîk biçin herêmên di bin kontrola kurdan de, were hêsankirin.
Di projeyasayê de Herêma Kurdistanê û herêmên din ên kurdan ji hevdu nehat cudakirin lê çapemeniya Îsraîlê ragihand ku ev projeyasa niha tenê ji bo Herêma Kurdistanê derbas dibe û di siberojê de di projeyasayê de dibe guhertin werin kirin.
Ligel vê yekê hat gotin ku ev projeyasa di heman demê de Herêma Kurdistanê ji Iraqê cuda qebûl dike û ji nava "welatên dijmin" derdixe. Tê payîn ku di hefteyên pêş de ev projeyasa li Parlamentoya Îsraîlê were nîqaşkirin û piştgiriya hikûmet û mixalefetê were qebûlkirin.
komênte (0)
heta niha komênt nehatiye nivîsandin