Nûnerê bajarê Kirmaşanê yê Rojhilatê Kurdistanê li parlamentoya Îranê Ehmed Esxerî dibêje, hikûmeta Îranê amara rast ya miriyên erdheja Kirmaşanê vedişêre!
Roj bi roj hejmara miriyên erdheja parêzgeha Kirmaşanê ya Rojhilatê Kurdistanê zêde dibe. Li gorî amarên fermî heta niha 474 kes mirine û derdora 9400 kes jî birîndar bûne.
Lê parlamenterê kurd û nûnerê bajarê Kirmaşanê li parlamentoya Îranê Ehmed Esxerî ji malpereka Îranî re gotiye, çima rayedar amara rast belav nakin. Bi qasî ku ez dizanim hejmara miriyan zêdetirî hezar kesî ne.
Ehmed Esxerî her wiha bi tundî rexne li gihandina alîkariyan bo mexdûrên erdhejê kiriye û gotiye, ew dezgehên hikûmetê yên ku alîkariyê bi ser mexdûran de belav bikin, di nav kirîzê de ne û divê destpekê yek, wan ji kirîzê rizgar bike!
komênte (0)
heta niha komênt nehatiye nivîsandin