Yekîneyên Parastina Gel (YPG) doh li bajarê Qamişloyê, hejmarek ji malbatên terorîstên DIŞIê yên ku hemwelatiyên Rûsyayê ne, radestî fermandarên leşkerî yên rûsî kirin.
Ji bo radestkirina malbatan, duh li bajarê Qamişlo bi amadebûna Generalê Rûsî Alexander Kim û Cîgirê Serokê Komîteya Karên Derve ya Meclîsa Rûsipiyan a Rûsyayê Dr. Ziyad Sebsebî û Hevserokê Desteya Karên Derve ya Kantona Cizîrê Ebdulkerîm Umer, Berdevkê YPG'ê Nûrî Mehmûd civîneke çapemeniyê hate lidarxistin.
Di vê civînê de Nûrî Mehmûd axivî û got: "Wekî YPG û HSDê li ser bingehên parastina mafên mirovan û zagonên Rêveberiya Xweseriya Demokratîk me bi van malbatan re, danûstandin kir û tevahiya cîhanê jî şahidê vê yekê ye."
Mehmûd diyar kir ku 13 jin û 29 zarokên ku li gel wan in, wê bi îmzekirina YPG û Generalê Rûsî Alexander Kim, bi awayekî fermî radestî hikûmeta Rûsyayê werin kirin.
komênte (0)
heta niha komênt nehatiye nivîsandin