Çavkaniyeke leşkerî ya pêşmergeyên Kurdistanê ji Spûtnîk Kurdistanê ragihand ku hêzên Iraqî û Heşda Şebî xwe amade dikin êrîşî navçeya Şêxan û hin navçeyên Dihukê bikin.
Berpirsekî eniya Başikê yê hêza pêşmerge ji Spûtnîkê re ragihand, hêzên Iraqê yên ji artêş, Heşda Şebî û polîsên federalî pêk tên, li Musilê xwe amade dikin ji bo pêşde werin û ber bi qezaya Şêxanê û hin navçeyên nêzî bajarê Dihukê bibin.
Berpirsê pêşmerge ku nexwest navê xwe bide, da xuyakirin, Doh 21ê Cotmehê fermandarên artêşa Iraqê û Heşad Şebî û polîsên federalî yên Iraqê, li bajarê Musilê 4 demjimêran civînek li dar xistine û tê de behsa wê yekê kirine ku çawa êrîşî ser navçeyên Şêxan, Tikîf, Alqoş û Faîde ya li nêzî Dihukê bikin.
Herwiha dixwazin bilivin heta navçeya rojavayê rûbara Dîcle ku dikeve sînorê Sûriyê.'
komênte (0)
heta niha komênt nehatiye nivîsandin