Li Xurmatûyê Kurd tên komkuj kirin

Li Xurmatûyê dagîrkerên heşda şebî Kurdan komkujî dikin.

Piştî derbasbûna sê rojan ji dagîr kirina Xurmatûyê ji aliyê dagîrkerên heşda şebî bi pêşengiya pasdarên Îranî, rewşa vê bajarokê gelek aloz û metirsîdare û ev bajar ji Kurdan hatiye paqêjkirin.

Di vê çarçoveyê de berpirsê navçeya Xurmatûyê yê PDKê Erselan Elî diyar kir ku ev sê roje dagîrkerên heşda şebî bişev û biroj êrîşî ser şêniyên Kurd yên li Xurmatûyê dikin û welatiyên Kurd komkuj dikin.

Erselan herwiha diyar kir ku dagîrkerên heşda şebî malên welatiyên Kurd talan dikin û piştî talan kirinê jî wan malên han dişewtînin.

Erselan Elî got: Dagîrkerên heşda şebî bi her awayî hewl didin daku endam û berpisên PDKê li deverê bi temamî ji nav bibin jiber vê çendê jî mal bimal û kolan bi kolan li pey endam û berpirs û alîgirên PDKê digerin û malên wan jî dişewtînin.