CEK: Hêzên Iraqê dixwazin çeperên pêşmerge dagir bikin

Civata ewlekariya Kurdistanê dibêje artêşa Îraqê plan bo dagîr kirina çeperên pêşmerge daniye.

Civata ewlekariya Kurdistanê hişyarî da, ku hêzên Iraqê bi niyet in dest bi ser bîrên petrolê û çeperên pêşmerge yên li Kerkûkê de bigrin.

Civata ewlekariya Kurdistanê li ser navnîşana taybetî ya tora civakî ya twîtterê peyamek belav kir û nivîsand ku zanyariyên îstîxbarî nîşan didin, ku hêzên Iraqê dixwazin dest daynin ser kêlgeh û bîrên petrolê, dirokexane û baregahên serbazî yên Kerkûkê.”

CEK di beşeke din ya peyama xwe de nivîsandiye ku niha hêzên iraqî tenê 3 kîlometreyan ji çeperên pêşmerge dûr in.  

Di daxuyaniyan de hatiye amaje kirin, ku Artêşa Iraqê û hêzên Heşda Şeibî li navçeyên Beşîr û Taze ya başûrê Kerkûkê bi çekên giran hatine bicîhkirin.