Berdevkê Pêşmerge bi tundî bersiva Ebadî da

 Berdevkê Wezareta Pêşmerge Helgurd Hikmet bi tundî bersiva Serokwezîrê Iraqê Heyder Ebadî ku gotibû ‘divê e hêzên Pêşmerge di bin fermandariya hêzên federal de bin.'

Berdevkê Wezareta Pêşmerge Helgurd Hikmet ji medya Iraqî re axivî û rexneyên tund li Serokwezîr Heyder Ebadî kirin. Ebadî li Parîsa paytexta Fransayê gotibû ‘divê navçeyên Kurdistanî yên derveyî îdara Herêma Kurdistanê, radestî hêzên Iraqî bên kirin û hêzên Pêşmerge bibin beşêk ji sîstema berevaniya Iraqê.'

Hikmet di bersivdayîna Ebadî de got: "Heya niha ti alîkariyeke serbazî ji Iraqê negihiştiye hêzên Pêşmerge û ev herêmên ku daxwaz dikin bi xwîna şehîdên Pêşmerge hatiye kontrolkirin."

Berdevkê Pêşmerge di berdewamiya axaftina xwe de got: "Heger Ebadî hêzên Pêşmerge wek beşekî ji sîstema berevaniya Iraqê dibîne, naxwe çima dixwaze ew navçe radestî hêzeke din bê kirin?"