67 پڕۆژه‌ی دیكه‌ له‌ هه‌رێمی كوردستان جێبه‌جێ ده‌كرێن

سەرۆكی دەستەی وەبەرھێنان لە ھەرێمی كوردستان رایگەیاند: 67 پڕۆژەی دیكەیان لە ھەرێمی كوردستان راگەیاندووە و بڕیارە بەپەلە دەست بە جێبەجێكردنیان بكرێت، چونكە چەند ساڵێكە بە ھۆی رۆتینەوە جێبەجێ نەكراون، دەشڵێ: ئێمە مۆڵەتیان پێ دەدەین كاری خۆیان بكەن و دواتر رێكارەكان جێبەجێ بكەن.

دكتۆر محەمەد شوكری بۆ ماڵپەڕی فەرمیی پارتی دیموكراتی كوردستان رایگه‌یاندووه‌: نووسراومان بۆ ھەموو بەڕێوەبەرایەتییەكانی خۆمان كردووە، كە 67 پڕۆژەمان راگەیاندووە و پەلە بكەن لە مۆڵەتدان بەو كەسانەی ئەنجامیان دەدەن، بۆ ئەوەی بە زووترین كات مۆڵەت وەربگرن و پڕۆژەكان بكەونە كار.

گوتیشی: ئەم پڕۆژانە، ئەوانەن كە لە ساڵی 2017‌ پێویست بوو ئەنجام بدرێن و بە ھۆی رۆتینەوە دواكەوتوون، بۆیە ئێستا دەمانەوێت بەپەلە ئەنجامیان بدەین.

ڕوونیشی كردەوە: دەرفەت بەو كەسانە دەدەین كاری خۆیان بكەن و دواتر رێكارەكان دەگرینە بەر ئەوەی پێویست بێت لە ڕووی یاساییەوە، چونكە پڕۆژەكان زۆر دواكەوتوون.

دەشڵێ، پڕۆژەكان زیاتر پیشەسازی و كشتوكاڵی و تەندروستین و بڕیارە كۆمەڵێك وەبەرھێنەر ئەنجامیان بدەن.

Peywendîdar

Nûtrîn Vîdyo

COVID-19
Cases
93,433
Mirin
2,994
dîsadîtin
57,941
Cases
535,321
Mirin
11,958
dîsadîtin
465,452
Cases
58,739,895
Mirin
1,390,315
dîsadîtin
40,654,298