ژنێک بە هاوکاریی گەنجێک بە چەقۆ هاوسەرەکەی خۆی کوشت

گەنجەکە خەڵکی رۆژئاوای کوردستانەو دانیشتووی کۆمەڵگەی دۆمیسە


بەرپرسی ڕاگەیاندنی پۆلیسی دهۆک ڕاگەیاند: کاتژمێر دووی شەوی ڕابردوو گەنجێکی خەڵکی ڕۆژئاوای کوردستان دەچێتە ماڵی هاووڵاتییەک و، بە هاوکاریی ژنەکە بە چەقۆ هاوسەرەکەی دەکوژن.

هێمن سلێمان بەرپرسی ڕاگەیاندنی پۆلیسی دهۆک لە لێدوانێکی رۆژنامەوانیدا رایگەیاند، لە کاتژمێر 2ی بەرە بەیانی رۆژی  دووشەممە 11ی له‌سه‌ر 12 شوباتی 2019، لە شاری دهۆک ژنێک بەهاوکاری گەنجێک لە ماڵەکەی خۆیدا هەوسەرەکەی خۆی دەکوژێت.

گوتیشی، گەنجەکە خەڵکی رۆژئاوای کوردستانەو تەمەنی 23 ساڵە،  دانیشتووی کۆمەڵگەی دۆمیزه‌، بەپێی لێکۆڵینەوە سەرەتاییەکان دەرکەوتووە ماوەی ساڵێە لەگەڵ ژنەکەدا پەیوەندیی لەنێوانیاندا هەیە.

هێمن سلێمان ئاماژەی بەوەشکرد، کوژراوەکە تەمەنی 54 ساڵە و ئەفسەر بووە بە پلەی موقەدەم لە هێزەکانی پێشمەرگە و ژنەکەش بە رەگەز عەرەبە و تەمەنی 32 ساڵە.

بەرپرسی ڕاگەیاندنی پۆلیسی دهۆک  رشیگەیاند، نیوەڕۆی ئەمڕۆ سێشەممە گەنجەکە و ژنەکەش دەستگیرکراون و دانیان ناوە بە تاوانەکەیاندا .

Peywendîdar

Nûtrîn Vîdyo

COVID-19
تووشبووان
18,200
گیان له‌ده‌ستدان
670
چاکبوونەوە
10,480
تووشبووان
156,995
گیان له‌ده‌ستدان
5,531
چاکبوونەوە
112,102
تووشبوون
20,381,909
گیان له‌ده‌ستدان
741,684
چاکبوونەوە
13,280,356