Taliban merc bo Tirkiyeyê daniye

di navbera wan de rêkeftin hatiye kirin.

Dibêje lazime hikûmeta me qebûl bike.

Hewldanên Tirkiyeyê yên bo parastin û îdare kirina balefirxaneya Kabilê berdewamin û Taliban merc daniye berdem Tirkiyeyê.

Li gor nûçeyeke malperea Middle East Eye, di navbera Taliban û Tirkiyeyê de li ser parastin û îdare kirina balefirxaneya Kabilê rêkeftinek hatiye kirin.

Li gor rêkeftina han vê Tirkiye hikûmeta Talibanê bi fermî binase û pişt re jî Tirkiye bi rêya kompaniyeke taybet ewlekariya balefirxaneya Kabil biparêze û li gel Qeterê bi hevbeşî di warê îdare kirin û organîze kirina firînên navnetewî de, balefirxaneyê îdare bikin.

Weke tê zanîn beriya niha Tirkiye eşkere kiribû ku hêzên xwe ji Efxanistanê navekêşe û li balefirxaneya Kabilê dimîne, lê jiber zextên Talibanê Tirkiye hêzên xwe vekêşa û Serokkomarê Tirkiyeyê Receb Teyyib Erdogan jî diyar kiribû ku hevdîtineke 3 seatî di navbera Tirkiye û Talibanê de hatiye kirin û Taliban daxwaza îdare kirina balefirxaneyê ji wan kiriye.

N: E. G