Serok Barzanî li gel Emîndarê giştî yê Komkara Erebî civiya

behsa gef û metirsiyên terorê hate kirin.

Dibêje lazime Îraq bidûr ji destwerdanên derekî kêşeyên xwe çareser bike.

Îro li Pîrmamê Serok Barzanî pêşwaziya Emîndarê giştî yê Komkara Erebî Ehmed Ebulxeyis û şanda pê re kir.

Di civînê de şanda mêwan armanca serdana xwe ya bo Îraqê û naveroka civîn û hevdîtinên xwe yên li gel rayedarên Îraqê bo Serok Barzanî şîrove kir.

Ebulxeyis hêviya vê yekê xwest ku Îraq bikarêbe bidûr ji destwerdanên derekî kêşeyên navxweyî yên xwe çareser bike û tekez li ser girîngiya bihêztir kirina têkiliyên navbera welatên Erebî û Îraqê kir.

Di berdewamiya civîna han de her du alî nêrînên xwe yên derbarê metirsiyên berdem prosesa siyasiya Îraqê, bihevre jiyan û girîngiya cîhbicîh kirina pirensîbên hevbeşiyê di her warekî de kirin.

Gef û metirsiyên teror û hizira tundreviyê li ser Îraq û welatên din yên deverê mijareke din ya civînê bû.

N: E. G