Şandeke Almanî serdana wezareta pêşmerge kir

hevkariyên Almanyayê bo hêzên pêşmerge berdewam dibin.

Konsulusê Almanyayê Serokatiya şandê dike.

Îro şandeke leşkerî û şêwirmendên leşkerî yên Almanî bi Serokatiya Konsulusê giştî yê Almanyayê yê li Hewlêrê Sven Krauspe serdana wezareta pêşmerge kir û ji aliyê wezîrê pêşmerge Şoreş Îsmaîl û rayedarên din yên wezaretê ve hate pêşwazîkirin.

Di civînê de behsa prosesa reforman ya di nava wezareta pêşmergeyê de têne kirin hate kirin û şanda Almanî bi kêfxweşî behsa wan reforman û encamên wan kir û piştîvaniya welatê xwe jî bo domandina reforman diyar kir.

Şanda Almanî herwiha ew yek diyar kiriye ku hevkariyên Almanyayê yên bo pêşmerge bi taybetî di ware şêwirmendî û perwerde kirina hêzên pêşmerge de berdewam dibin.

Wezareta pêşmerge jî spasiya hevkarî û piştîvaniyên Almanyayê yên bo hêzên pêşmerge kiriye û hêvî kiriye ku ev hevkariyên han berdewam bin.

N: E. G