Trump: Cîhan jiber xemsariya Çînê êşê dikişîne

dibêje lazime Çîn xwe berpirsiyar bizane

Serokê Amerîka Donald Trump, Çîn careke din jiber belavbûna vîrusa korona tawanbar kir.

Trump li Qesira Sipî diyar kir ku cîhan jiber ‘’xemsarî’’ya Çînê êşê dikişîne.

Trump got: Çînê rê li ber belavbûna vîrusa korona vekir û wê pirtir ji 100,000 Amerîkî kuştin.

Wî da zanîn ku Çînê li ser Rêxistina Saxlemî ya Cîhanê (WHO) zext çêkiriye ku ser vîrusa korona agahîyên şaş belav bike û got ku ewê peywendiyên bi wê rêxistinê re qut bikin.

Vîrusa korona di meha Berfanbarê de li Wuhan ya Hubei ya Çînê derketibû û ji wir derbazî dewletên din bûbû.

Li gor agahiyên dawî yên Zanîngeha Johns Hopkinsê, vîrusa korona li Amerîka 102,516 û li Çînê 4,638 kes kuştine.

Voa