Nêçîrvan Barzanî li gel Fermandeyê hêzên operasyona taybet ya Hevpeymanan civiya

behsa têkiliyên navbera Kurd û hevpeymaniya cîhanî kirin

Nîvroya îro şemî 30.05.2020 li Hewlêrê, Serokê Herêma Kurdistanê Nêçîrvan Barzanî li gel Fermandeyê hêzên operasyona Taybet ya Hevpeymanan li Iraq û Sûriyeyê Major General Erîc Hill civiya.

Di civînê de ku Cîgirê Serokê Herêma Kurdistanê Şêx Cefer Mistefa tê deamade bû, pêşhatên dawî yên belavbûna pejika virûsa Korona û hewl û rêkarên rûbirûbûna wê, her wiha encamên wê yên bi taybetî li warên tendirustî û aboriyê da û bandora wê ya li ser bername û tevgera serbaziya hêzên Hevpeymanan li Iraq û Sûriye guftûgo kirin.

Diyaloga stratejiya Amerîkî – Iraqî ku biryare meha bê destpêbike û têda nexşerêyeke peywendiyên niha û paşeroja Iraq û Amerîka bê guftûgo kirin, mijareke dinê vê civînê bû. Li vî derbarî de Serok Nêçîrvan Barzanî tekez li ser girîngiya amadeyî û beşdariya Herêma Kurdistanê li wê diyalogê û li danîn û amadekirina nexşerêyê da kir.

Di civînê de behsa xwe rêkxistin û metirsiyên berfirehbûna tevger û êrîşên terorîstên DIŞI li Iraq û Sûriye kirin ku bûne gefeke ciddî li ser asayîş û aramiya her du welatan.

Nêçîrvan Barzanî ji bilî dûpatkirina girîngî û pêwîstiya berdewamiya piştgîriya Hevpeymaniya Navdewletî ya Iraq û Herêma Kurdistanê li şerê dijî terorê da, tekez jî li ser pêwîstiya hengavên siyasî li Iraqê kir ku pêkhatên Iraqî hest bi hevbeşî û bawerî û parastina niha û paşeroja xwe ya li Iraqê da bikin.

Peywendîdar

Nûtrîn Vîdyo

COVID-19
Cases
45,731
Mirin
1,671
dîsadîtin
29,422
Cases
349,450
Mirin
8,990
dîsadîtin
280,673
Cases
33,322,779
Mirin
1,002,561
dîsadîtin
24,642,356