Osman Baydemîr serdana Parlementoya Kurdistanê kir

dibêje parlementoya Kurdistanê mînaka herî giring ya demokrasiyê ye

Îro Siyasetmedarê Kurd û Serokê berê yê şaredariya Amedê Osman Baydemîr serdana Parlementoya Kurdistanê kir û li gel Serokatiya parlementoyê civiya.

Di civînê de behsa rewşa niha ya deverê û Kurdistanê hate kirin. Seroka parlementoya Kurdistanê Rêwaz Reûf jî eşkere kir ku rêz girtin ji mafên tevahiya pêkhateyên etnîkî û olî bingeheke sereke ya kar kirina parlementoya Kurdistanê ye.

Her di civînê de Osman Baydemîr jî spasiya Serokatiya parlementoyê kir û pişt re di presskonferansekê de li gel Cîgirê Seroka parlementoyê Hêmin Hewramî Baydemîr eşkere kir ku parlementoya Kurdistanê mînakeke sereke ya bo demokrasiyê ye.