Îtalya: Kurdistan bo kêm kirina aloziyan roleke giring lîstiye

dibêje Kurdistan roleke mezin di aramiya deverê de heye

Serokwezîrê Kurdistanê li gel wezîrê berevanî yê Îtalyayê civiya û piştî civînê li ser pêgeha xwe derbarê naveroka civînê de wisa nivîsand;

Îro çarşem 19/ 2/2020 li Roma li gel wezîrê berevanî yê Îtalyayê Lorenzo Guerini civiyan û di civînê de me behsa çend pirsên hevbeş û bihêztir kirina têkiliyên navbera herêma Kurdistan û Îtalyayê di tevahiya waran dekir.

Her di heman civînê de me tekez li ser giringiya berdewam bûna hevkarî kirina hêzên pêşmerge û artêşa Îraqê bi taybetî di warê perwerde kirinê de kir û me jiber piştîvanî kirin û hevkarî kirina hêzên pêşmerge û herêma Kurdistanê spasiya gel û hikûmeta Îtalyayê kir û hêviya geşe kirina zêdetir ya têkiliyên heyî xwest.

Ji aliyê xwe ve wezîrê berevanî yê Îtalyayê rola hikûmeta herêma Kurdistanê ya bo kêm kirina aloziyên deverê bilind nirxand.