Li Bexdayê 16 xwepîşanderên din hatin kuştin

hîn jî nayê zanîn ev çekdar ser bi çi komeke çekdarin

Li gor daxuyaniya tîmên nûjdarî yên li meydana Tehrîrê ya li Bexdayê, duhê bi şev çend çekdarên nenas di nava tirimbîlên xwe de êrîşî ser xwepîşanderan kirine.

Jêder behsa vê yekê dikin ku di encama êrîşa han de herî kêm 16 xwepîşander hatine kuştin û 70 xwepîşanderên din jî birîndar bûne.

Hate zanîn ku çekdarên nenas yên ku di nava tirimbîlan de gole li ser xwepîşanderan reşandine, piştî re ber bi cîheke nediyar reviyane.