Sê pêşmerge şehîd bûn û wezareta pêşmerge daxuyaniyek weşand

dibêje êrîşa terorîstan hatiye şikandin

Duhê bi şev li mihwera Gerimiyanê terorîstên DIŞIê êrîşî ser hêzên pêşmerge kirin û di encam de sê pêşmerge şehîd bûn.

Pişt re wezareta pêşmerge ya herêma Kurdistanê daxuyaniyek weşand û ragihand ku duhê bi şev li navçeya Kuleco ya li mihwera Gerimiyanê terorîstên DIŞIê êrîşî ser hêzên pêşmerge kirine û di encam de sê pêşmerge şehîd bûne.

Wezareta pêşmerge herwiha eşkere kiriye ku hêzên pêşmerge jî dem û dest bersifa êrîşa terorîstên DIŞIê dane.

Di daxuyaniya han de hatiye diyarkirin ku hêzên pêşmerge karîne derbên giran li terorîstan bidin û êrîşê têkbişkînin.