Li Kerbelayê êrîşî Konsulusxaneya Îranê hate kirin

ala Îranê anîn xwarê

Duhê bi şev di çarçoveya xwepîşandanên li Îraqê yên li dijî hikûmet, Îran û merceyeta Îraqî de, li Kerbelayê xwepîşandaneke mezin hate organîze kirin.

Di xwepîşandanê de, xwepîşander diroşimên dijî Îranê gotin û êrîşî ser Konsulusxaneya Îranê kirin, alaya Îranê anîn xwarê û alaya Îraqê jî li ser Konsulusxaneyê bilind kirin.

Hêzên ewlekarî jî bi gazê rondikrêj êrîşî ser xwepêşanderan kir.

Hin jêder behsa vê yekê dikin ku heta niha zêdetir ji 300 kesan hatine kuştin û nêzî 12 hezar kesên din jî birîndar bûne, lê xwepîşander dibêjin ev amar gelek zêdetire.