Serok Barzanî serdana baregeha Yekîtiya Zanayên Îslamî kir

dibêje lazime nîştimanperwerî bingeha serekî ya perwerdehiyê be

Serok Barzanî serdana baregeha Yekçtiya Zanayên ola Îslamî ya Kurdistanê kir û bi helkefta çil û nehemîn damezirandina Yekîtiyê, pîrozbahî li Serok û endamên wê yekîtiyê kir.

Serok Barzanî îro danê sibê çû baregeha Yekîtiya Zanayên ola Îslamî ya Kurdistanê û ji aliyê Serok û berpirsên din yên wê ve hat pêşwazîkirin.

Serok Barzanî di peyveke kurt de behsa wê yekê kir ku DIŞI û terorîst, ol bo meramên xwe yên kirêt bikar tînin û got, ewa ku wan kirin mezintirîn sûc bû li hember dîn. Di îslamê de tiştekî wisa nîne.

Serok Barzanî şîret li mamostayên ayînî kir û got, lazim e xelk wisa bê perwerdekirin ku ol û welat ji hev neyên veqetandin. Ewên ku dîndar bin, hej ji welatê xwe jî dikin û ewên ku hej ji welatê xwe bikin dikarin dîndar jî bibin.

Serok Barzanî di dawiyê de pîrozbahî li Serok û berpirsên Yekîtiya Zanayên ola Îslamî kir û got, bo piştevanîkirina we çi ji destê me were, emê bikin.