Li Îranê 7 welatiyên Kurd hatine îdamkirin

di nava hefteyekê de li Ormiyeyê hatine dardekirin

Li gor raporeke navenda Hengav bo mafên mirovan, îdam kirina welatiyên Kurd ji aliyê rejîma Îranê ve didome û her roj çend welatiyên Kurd li girtîgehên rejîmê de têne dardekirin.

Hengav di raporta xwe de belav kiriye ku bi tenê di nava 7 rojan de li girtîgeha Ormiyeyê 7 welatiyên Kurd hatine dardekirin.

Di raportê de hatiye eşkere kirin ku duhê çar welatî û îro jî du welatiyên din li girtîgeha Ormiyeyê hatine îdamkirin.