Serok Barzanî pêşwaziya Cîgirê wezîrê hevkariya aborî û geşepêdana Almanyayê kir

behsa rewşa deverê kirin

Îro li Pîrmamê Serok Mesûd Barzanî pêşwaziya Cîgirê Wezîrê Hevkariya Aborî û Geşepêdana Almanyayê Martin Jäger û şandekî li gel kir.

Di hevdîtinê de Serok Barzanî spasî hikûmet û gelê Almanya kir ku li şerê dijî terorîstên Da'îş de hevkar û yarmetîderê hêzên Pêşmergeyên Kurdistanê bûne û ragihand, palpiştiyên Almanya li guherîna balansa meydanî ya şerê dijî DIŞIê de gelek bi bandor bûye.

Her di vê hevdîtinê de Cîgirê Wezîrê Hevkariya Aborî û Geşepêdana Almanya, kêfxweşiya welatê xwe bi baştirbûna peywendiyên di navbera Hewlêr û Bexda bi Serok Barzanî ragihand.

Peywendiyên di navbera Herêma Kurdistan û Almanya û rewşa siyasî û pêşhatên dawî ya navçeyê mijareke dinê vê hevdîtinê bûn.