Îran hêzeke zêde şandiye devera Hewramanê

li ser navê pêşmerge pere ji xelkê distînin

Li gor jêderên taybetî ji Hewramanê, ev çend roje rejîma Îranê dest kiriye bi şandina hêzeke zêde ya leşkerî bo devera Hewramanê.

Jêderên ji Hewramanê (Rojhilat) diyar kirin ku piştî şandin û bicîh kirina hêzeke zêde ya spaha pasdaran bo devera Newsûdê, rejîma Îranê hêzeke zêde şandine devera Nûdişe û liwir bicîh kiriye.

Jêderên ji Rewramanê anîn ziman ku ev hêzên ku hatine şandin tevahiya rêyên sînorî yên di navbera Başûr û Rojhilatê Kurdistanê de daxistine û di navbera deverên curbicur yên Hewramanê de jî xalên kontrol kirinê danîne.

Jêder behsa vê yekê jî kirin ku li ser rêya navbera Hewramana Text û gundê Nivên de xalên kontorlkirinê yên wan hêzan hene ku kincên pêşmerge li xwe kirine û li ser navê pêşmerge û pariyên Kurdî pere ji xelkê distînin.