Nêçîrvan Barzanî û Mike Pompeo bi rêya telefûnê behsa çend mijaran kir

behsa hin mijarên taybet bi rojevê kirin

Êwara dohê wezîrê derve yê Amerîkayê telefûna Serokwezîrê Kurdistanê kir.

Êwara dohê Serokwezîrê Kurdistanê Nêçîrvan Barzanî li Bexdayê bû, wezîrê derve yê Amerîkayê Mike Pompeo tekefona wî kir û her du aliyan pêşhatên dawiyê yên rewşa siyasî û paşeroja pirosesa siyasî li Îraqê gotûbêj kirin û ronahî xiste ser hilbijartina desteya serokatiya parlamentoya Îraqê û hewilên ji bona hilbijartina serokatiya komar û kabîneya nû ya hikûmeta bê ya Îraqê kirin.

Barzanî û Pompoe di peywendiya telefonî de tekîd li ser çirkirina hewilan ji bona serxistin û pêşdebirina pirosesa siyasî li Îraqê kir û hêvî kirin ku qonaxa bê ya Îraqê qonaxa aramiya siyasî û emnî be û hikûmet û desthilata bê ya Îraqê rengvedana xwestek û mafên hemû pêkhateyên Îraqê be.

Mike Pompeo wezîrê derve yê Amerîkayê behsa giringiya rola aktîv û ber bi çav ya Herêma Kurdistanê di beşdarîkirin di pirosesa siyasî li Îraqê û pêkanîna her sê serokatiyan li welêt kir.

Nirxandina têkeliyên navbera Herêma Kurdistan û Amerîkayê, pêşhatên dawiyê yên rojeva Îraqê û herêmî bi giştî mijarên din yên peywendiya telefoniya navbera serokwezîrê Kurdistanê û wezîrê derve yê Amerîkayê bûn.