HRRK bi dirûşma ‘Em hemû Efrînî ne' festîvala xwe ya 5emîn li Kobaniyê li dar dixe

festîvala îsal bo efrînê tê organîzekirin

Hevgirtina Rewşenbîrên Rojavayê Kurdistanê (HRRK) bi dirûşma ‘Em hemû Efrînî ne' 5emîn Festîvala Çand û Hunerê ya Rojava 5ê Gulanê li Hola Newrozê ya Kobaniyê li dar dixe.

Helbestkarê kurd Abdulla Peşêw li ser Efrînê helbestek nivisî

Helbestkarê kurd û yek ji endamên Hevgirtina Rewşenbîrên Rojavayê Kurdistanê (HRRK) Ehmed Huseynî ji Spûtnîk Kurdistanê re derbarê 5emîn Festîvala Çand û Hunerê ya Rojava axivî. Huseynî da zanîn ku festîvala ku HRRKê organîze û fînanse dike Jji salê carekê tê li dar xistin. Biryara lidarxistina festîvalê 8ê mehê li Almanya hatibû wergirtin û dê 5ê meha 5an jî li Rojava, li Kobaniyê were lidarxistin.

Ehmed Huseynî derbarê festîvalê û naveroka wê de ev agahî bi rêya Spûtnîk Kurdistanê parvekirin: "Di festîvala îsal a HRRKê de dê  helbest, çîrok, şano û mûzîk hebin û weke naverok jî piraniya atmosfera festîvalê dê bi pirsa Efrînê ve girêdayî be."

Nivîskar û helbestkarên Rojava operasyona li ser Efrînê ji Sputnik Kurdistanê re nirxandin

Huseynî "Piraniya atmosfera Festîvala Hevgirtina Rewşenbîrên Rojavayê Kurdistanê dê li ser pirsa Efrînê û trajediya xelkê Efrînê ve girêdayî be. Ji xwe dirûşmeya festîvalê jî ‘em hemû efrînî ne'. Sazî û dezgehên rewşenbîrên Kobanî vexwendî ne û her yek ji wan dê 3-4 deqîqeyan biaxivin, piştî wê dê daxuyaniya HRRKê were xwendin û paşê jî wê berhem bêne xwendin û mûzîk were îcrakirin."

Herwiha helbestkar Ehmed Huseynî da xuyakirin ku di festîvalê de mûzîk û hindek stranên ku em bibêjin ne yên govendê yên dîlanê lê hinekî watedar û giran bêne îcrakirin û hevxemiya Efrînê û trajediya gelê Efrînê were nîşandan.