37emîn Festîvala Filman a Stenbolê 6ê Nîsanê dest pê dike

nêzî 200 fîlm têde beşdar dibin

37emîn Festîvala Filman a Stenbolê wê 6ê Nîsanê bi filmê Lean On Peteyê dest pê bike.

37emîn Festîvala Filman a Stenbolê wê 6ê Nîsanê bi filmê Lean On Peteyê dest pê bike ku festîval ji hêla Weqfa Çand û Hunerê ya Stenbolê (İKSV) tê lidarxistin.

Di çarçoveya festîvalê de wê 200 film di 18 beşan de bên nîşandan. Her wiha bi beşdariya sînemagran wê hevpevyîn, sohbet û bernameyên taybet ên belaş çêbibin. Festîval wê 12 rojan berdewam bike.

Merasîma destpêkê ya Festîvalê wê 6ê Nîsanê roja înê li Qesra Pêşangeh û Kongreyê ya Lutfî Kirdarê çêbibe.

Bername wê saet di 20.30 deqîqeyan de dest pê bike û wê Xelatên Rûmetê yên Sînemayê bidin lîstikvan Perîhan Savaş, nivîskar û senarîst Osman Şahîn, derhêner Aram Gulyuz û produktor Arîf Keskînerî.

Her wiha Cevdet Pîşkîn wê Xelata Kedê ya Sînemayê bistîne ku 22 sal in li Sînemaya Atlasê ya Stenbolê midûriyetê dike.