پارتی و خۆ گونجاندن له‌گه‌ڵ سه‌رده‌مدا

دۆستانی ڕاسته‌قینه‌ی کورد هه‌میشه‌ چاویان له‌وه‌یه که پارتی دیمۆکراتی کوردستان وه‌ک هێما وسیمبول نه‌خشه‌ ڕێگای سه‌رده‌میانه بۆ پرسه‌ ڕه‌واکه‌ی ڕابکێشێت
Thumbnail

 هه‌ر له‌گه‌ڵ دامه‌زراندنی پارتی دیمۆکراتی کوردستان له ناوه‌ڕاستی چله‌کانی سه‌ده‌ی بیسته‌مدا ، به‌شێکی یه‌کجار زۆر له‌ گه‌لی کورد به‌پیری چوون ، ئه‌گه‌ر چی تازه‌ دامه‌زراندنی خۆی ڕاگه‌یاندبوو ، به‌ڵام به‌خێرایه‌کی چاوڕواننه‌کراو متمانه‌ی له‌نێو ته‌واوی کوردستان په‌یدا کرد، هه‌ر زوو چینی ڕۆشه‌نبیر وهه‌ژار و جوتیار وکرێکار بوونه پاڵپشت ، دواتر یه‌ک له‌دوای یه‌کدا چین وتوێژه‌کانی دیکه‌ کۆمه‌ڵگا هاتنه ڕیزی ، ئه‌وه‌بوو له‌ ئاستی جه‌ماوه‌رییدا بووه‌ هێزی یه‌که‌می گۆڕه‌پانی سیاسی وکۆمه‌ڵایه‌تی وجڤاکی ،نه‌وه‌ک به‌ته‌نیا له باشووردا ، به‌ڵکو له به‌ش وپارچه‌کانی دیکه‌شدا جه‌ماوه‌ر له‌ ده‌وری کۆبۆوه‌ .

 سیاسه‌تی پارتی دیموکراتی کوردستان به‌رده‌وام سیاسه‌تێکی حه‌کیم وسه‌رده‌میانه‌یه‌، شوێن و زه‌مه‌ن و سه‌رده‌م گرینگی تایبه‌تی خۆی بۆ سیاسه‌تی پارتی هه‌یه ، هه‌ر بۆیه‌شه‌ به‌رده‌وام گه‌لی کوردستان نه‌وه‌ک به ته‌نیا گه‌لی کورد ،به‌ڵکو پێکهاته‌کانیش متمانه‌ی ته‌واویان به سیسته‌م وسیاسه‌تی دیمۆکراتخوازانه‌ی هه‌یه ، گوونجاندن له‌گه‌ڵ سیاسه‌تی جیهان به‌شێکی گرینگه‌ له‌ پێناسه‌کردنی ژیانی سه‌رده‌میانه ، له‌کاتی دامه‌زراندنیه‌وه‌ تاوه‌کو ئه‌مڕۆ هیچ کات ته‌نها وه‌ک لایه‌نێکی سیاسی کلاسیک هه‌ڵسووکه‌وتی نه‌کردووه‌ ، به‌ڵکو ژیانی جڤاکی به‌رده‌وام وه‌ک پرێنسیپ کاری پێکردووه‌ ، له شۆڕشی ئه‌یلولی مه‌زندا ، پارتی سه‌رکردایه‌تی گه‌وره‌ترین شۆڕشی چه‌کداری کرد.جگه‌ له‌مانه‌ش شۆڕش وه‌ک ده‌سه‌ڵات و حکومڕان و ئاستی فه‌رمانگه‌ فه‌رمییه‌کان له‌گه‌ڵ ژیانی ڕۆژانه‌ی خه‌ڵکدا ده‌جوولایه‌وه‌ وهه‌ڵسووکه‌وتی ده‌کرد.

پارتی خاوه‌ن مێژوویه‌کی پاک و بێگه‌رده‌ له سوونگه‌یی هه‌ستکردن به به‌رپرسیاریه‌ت سیاسه‌ته‌کانی شڕۆڤه‌ ده‌کات ، پارتی له ئۆتۆنۆمی یه‌وه‌ ده‌ستی پێکرد به کرده‌وه‌ سه‌لماندی ،به‌کردار ڕێگایی نه‌دا فیدڕاڵی شکست بێنێت ، له‌هه‌موو مه‌زن وپڕ به‌هاتر خاوه‌ن سه‌ربه‌خۆیی کوردستانه ، له‌مه‌شیان بۆ جیهانی سه‌لماند که‌ ده‌نگی کورد له‌گه‌ڵ سه‌ربه‌خۆییه.. گونجاندن و پارتی مێژوو به‌یه‌که‌وه‌ کۆیانده‌کاته‌وه، سیاسه‌ت له‌هه‌ر شوێنێکی جیهاندا نه‌خشه‌ی بۆ دابڕێژێت به‌تایبه‌ت له ناوچه‌ی ڕۆژهه‌ڵاتی ناوه‌ڕاست ئه‌وه‌ پارتی تووانای به‌ره‌نگاربوونه‌وه‌ی هه‌یه ، چونکه گونجاندن له‌گه‌ڵ هه‌لومه‌رجه‌کان سیاسه‌تێکی حه‌کیمانه‌ بووه‌ که‌ بارزانی نه‌مر بنچینه‌ و بناخه‌یه‌کی ڕاست ودرووستی بۆ داناوه‌ ، به‌هه‌مان شێوازدا سه‌رۆک مه‌سعود بارزانی له‌سه‌ری هه‌نگاو ده‌نێت .

پارتی چ وه‌ک لایه‌نی سیاسی وچ وه‌ک لایه‌نه‌کی جڤاکی کورده‌واری ڕه‌گی داکووتاوه ، ڕۆژ له‌ دوای ڕۆژدا به متمانه‌ و به‌هێزتر ده‌بێت.. پارتی دیمۆکراتی کوردستان ئه‌گه‌ر چی زۆر جاران له‌لایه‌ن نه‌یارانییه‌وه‌ دووچاری فشاری تووند بۆته‌وه‌ ، به‌ڵام پشت ئه‌ستوور به پله‌ یه‌ک جه‌ماوه‌ره‌که‌ی و دووه‌میش به‌و سیاسه‌ته‌ حه‌کیم وگونجاندنه‌ تووانیویه‌تی هه‌موو فشار و پیلانه‌کان پووچه‌ڵ بکاته‌وه ، زۆر به‌ڵگه‌ی زیندوو هه‌نه ، که چۆن نه‌یارانی که‌ چه‌ند به‌هێز وبه‌توانابن ، به‌ڵام به‌رانبه‌ر به پارتی دواجار دووچاری شکست دێن .

دۆستانی ڕاسته‌قینه‌ی کورد هه‌میشه‌ چاویان له‌وه‌یه که پارتی دیمۆکراتی کوردستان وه‌ک هێما وسیمبول نه‌خشه‌ ڕێگای سه‌رده‌میانه بۆ پرسه‌ ڕه‌واکه‌ی ڕابکێشێت ، له‌ به‌رانبه‌ردا دووژمنانیش به‌رده‌وام ئاماژه‌ وحیسابی تایبه‌تی بۆ ده‌که‌ن ، هه‌میشه‌ش پیلانی دووژمنکارانه‌ی بۆ داده‌نێن ، به‌ڵام پیلانه‌کان هه‌رهه‌مووی ده‌چنه زبڵدانی مێژوو ، پارتی به‌سه‌رکه‌وتوویی لێی ده‌رباز ده‌بێت ، به‌ڵێ پارتی به شانازییه‌وه‌ ده‌ڕوانێته مێژوووه‌که‌ی ، ئێستاش مامه‌ڵه‌ی گوونجاندن وسه‌رده‌میانه یه‌ ، هه‌رده‌م به گه‌شبینییه‌وه‌ سه‌یری دوا ڕۆژ وئاینده‌ی کورد وکوردستان ده‌کات.