سیخوڕ لەبەرگی ڕۆژنامەنوسدا !

کار بۆ ئەوە دەکەن پیشەی ڕۆژنامەنوسی بدەنە پاڵ خەلکێک کە لەبەرامبەر پارەدا سیخوڕیان بۆ لایەنی دەرەکی کردووە
Thumbnail

ڕۆژنامەنوسی کارێکی پیرۆزە ،بەڵام ئەو پیرۆزیە کاتێک واتادارو واقعیە کە تاکی ڕۆژ نامەنوس پیشەیانەو لەچوارچێوەی ئیتیکی ڕۆژنامەنوسیداو بەئەمانەت و ڕاستگوییەوە ببێتە پردێک لەنیوان دەسەلات و خەلکدا،واتە دڵسۆزانەو لەپێناو بەرژەوەندی گشتی و لەڕێگای ڕەخنەی بنیاننەرەوە کەموکوڕیەکانی دەسەڵات و ناشیرینیەکانی نێو کومەڵگا بخاتە پێش چاو .

بەو شێوەیە ڕۆژنامەنوس لەڕێگای پەیامەکەیەوە دەتوانێت دەسەڵات ناچار بکات تا کەموکوڕی و هەڵەکانی ڕاست بکاتەوەو ، وەکو فاکتەرێکیش کاریگەری ئەرێنی (پۆزەتیف) ی دەبێ بۆ هۆشیارکردنەوەی تاک و کۆمەڵگاو هانیان دەدات بۆ دوورکەوتنەوە لەناشیرینیەکان .

مخابن لەسایەی ئەو کەش و هەوا ئازادەی کە حکومەتی هەرێمی کوردستان بۆ ئازادی بیروڕای ڕەخساندوە ،کەسانێک دوور لەهەموو بەهایەکی ئەخلاقی و لەپێناو گیرفانی خۆیان کاری ڕۆژنامەنوسیان بەلاڕێدا بردووەو ناشیرین کردووە،لەژێرپەردەی ئازدی بیروڕا دەربڕیندا کومەڵێک ناوەندی میدیاییان وەکو (ئێن ئاڕتی ،شار پرێس ،لڤین ،ئاوێنە ،ستاندارد)بەناوی ئازادو ئەهلی دامەزراندووە .

هەڵبەت شێوازی کارکردن و گوتاری میدیایی ئەو ناوەندانە ئاماژەیە بۆ ئەو ڕاستیەی کە ئەوان نەک میدیای ئازادو ئەهلی نین ،بەڵکو هێلانەیەکی واقعین بۆ سیخوڕیکردن بەسەر دام و دەزگاکانی حکومەتی هەرێم و زیان گەیاندن بەبەرژەوەندیە نەتەوەیەکان و ئەمنی قەومی کوردستان .

بەردەوام لەپێناو ڕازیکردنی دۆژمنانی کوردو بەدەست هێنانی پاروی چەور سوکایەتی بەبەها نەتەوەیەکانی کورد دەکەن ، لەڕێگای هۆنینەوەی هەوالی ناڕاست و لێکدانەوەی چەواشەکارانە هەولی بەلاڕێدا بردنی خەڵکی کوردستان دەدەن و پاساو بۆ ئەو ناحەقی و غەدرو زۆلمە دێننەوە کە لەبەغداوە دژی کورد دەکرێت هتد.

لەهەموو ئەمانە خەراپتر بۆ ناشیرینکردنی حکومەتی هەرێمی کوردستان لەپێش چاوی دونیایی دەرەوە ، کار بۆ ئەوە دەکەن پیشەی ڕۆژنامەنوسی بدەنە پاڵ خەلکێک کە لەبەرامبەر پارەدا سیخوڕیان بۆ لایەنی دەرەکی کردووەو هەوڵی تێکدانی بارودۆخی کوردستانیان داوە .

ئەو کەسانەی کە ئەو ناوەندە میدیایانەو هەندێ هێزی سەر بەمیحوەری مقاومە (ئێران)بەڕۆژنامەنوس ناویان دەهێنن ، وەکو سیخۆڕێکی عەیار بیست و چوار زانیاریان لەسەر جموجۆڵی پێشمەرگەو دامودەزگا ئەمنیەکانی کوردستان و هێزی هاوپەیمانان لەکوردستان داوە بەلایەنێکی دەرەکی،بێ گومان لەهیچ شوێنێکی ئەم دونیایەدا نەبووەو ناش بێت و قبول ناکرێت .

کەسانێک لەژێر ناوی ڕۆژنامەنوسیدا زانیاری لەسەر هێزی سەربازی و دامودەزگا ئەمنیەکان کۆبکاتەوەو بداتە لایەنێکی دەرەکی ،لەهەر وڵاتێک ئەمە ڕوو بدات بەتاوانی خیانەت لەبەرژەوەندیە باڵاکانی وڵات و زیان گەیاندن بەئەمنی قەومی سزا دەدرێن .

بێ گومان ئەوانەی میدیاو هێزەکانی سەربەمیحوەری مقاومە ناویان لێناون گیراوانی بادینان و بەڕۆژنامەنوس وەسفیان دەکەن ئەوە کارو پیشەیان بووە ، دیارە ئەم ڕاستیە لای ئەوانیش ڕوونە ،بەڵام چونکە لەخزمەتکردنی ئەجێندای دەرەکیدا دژی کوردستان هاوڕاو هاوهەلۆێستن و پیشەیان سیخوڕیکردنە بەسەر هێزی پێشمەرگەو دامودەزگا ئەمنیەکانی کوردستان،ناچارن بۆ شەرعیەتدان بەخیانەتی خۆیان و هاوڕێکانیان بەرگی ڕۆژنامەنوسی وەبەر کومەڵێک سیخوڕو تێکدەر بکەن !

بابه‌ته‌ پەیوەندیداره‌كان

نوێترین ڤیدیۆ