پ.ک.ک د ناڤبه‌را حه‌رام و حه‌لال یێ دا !

ل سالا ۱۹۹٤ ،ئانکۆ    به‌ری ۲٦ سالان ده‌مێ قۆتابی د قوناغا ناڤنجیی دا، مه‌ وه‌ک نه‌ریته‌کێ سالانه‌ ل قوتابخانێ سه‌یرانا سالانه‌ کۆ ل بوهارێ د هاته‌ رێکخستن بۆ
Thumbnail

پ.ک.ک د ناڤبه‌را حه‌رام و حه‌لال یێ دا !

 

ل مێژویا هه‌می وه‌لاتێێن ژێر ده‌ست و ئازادی خواز دا, گه‌له‌ک قوناخا ده‌رباس بوینه‌ ژ وانا قوناغا شه‌ریێن ناڤخۆیێ، مڵله‌تێ کوردستانێ ژی ئه‌و قۆناغ ده رباس کرینه‌ .لێ هه‌رده‌ما ده‌رفه‌ت بۆ ڤان پارتێن کوردستانێ چێ بیبت دلسۆز بۆنه‌ بۆ ئێک و دو و لێبۆرین ل  هه‌ڤدۆ کریه‌ ، به‌رۆفاژی چه‌کدارێن پ.ک.ک رۆژانه‌ که‌رب و کینا وان به‌رامبه‌ر ده‌ستکه‌فتێن کوردستانێ زێده ‌بیتن.

ل ده‌مه‌کێ دا کو سه‌رۆک بارزانی وه‌ ک   هه‌ست کرن ب به‌رپرساتیا مێژویی دا خوکۆژیا کوردان حه‌رامکری یه  ، سه‌رکردێن پ.ک.ک ژی خارنا کوردان ل خو حه‌رام کریه‌.

د سه‌رهاتیه‌کا راسته‌قینه‌ دا دێ ئاخفتنا مه‌ هێته‌ سه‌لماندن, ل سالا ۱۹۹٤ ،ئانکۆ    به‌ری ۲٦ سالان ده‌مێ قۆتابی د قوناغا ناڤنجیی دا، مه‌ وه‌ک نه‌ریته‌کێ سالانه‌ ل قوتابخانێ سه‌یرانا سالانه‌ کۆ ل بوهارێ د هاته‌ رێکخستن بۆ هه‌می قۆتابی و مامۆستا یان به‌ره‌ڤ جهه‌کێ گه‌شت و گۆزاری چوین نێزیکی کۆمه‌لگه‌ها دێرالوک ل ده‌ڤه‌را ئامێدی یێ.

ل ده‌مێ بێهنڤه‌دان و خارنێ دا مه‌ دیت ۳ چه‌کدارێن (پ.ک.ک ) ل چیا هاتن خار و هاتنه‌ د ناڤ سه‌یرانا مه‌ دا بێ ئاگه‌هداری و ده‌رفه‌تا مامۆستا و قۆتابییان.

هه‌ر چاوا بیت زۆر ب گه‌رمی مه‌ پێشوازیا وان کر و دلخوشبۆین ب دیتنا وان وه‌ک کورده‌ک .هینده‌ک هه‌ڤالێن مه‌ یێن قۆتابی خارنا گه‌رم بۆ وان ۳ چه‌کدارا به‌رهه‌ڤ کر و پێشکێشی وان کر، لێ یا کۆ جهێ سه‌رسۆرمانێ ئه‌وبۆ ده‌مێ وان چه‌کداران ره‌تکری کو خارنێ ژمه‌ وه‌رگرن، مه‌ دوباره‌ داخاز ژ وان کرن وه‌ک مێڤانه‌ک خارنا مه‌ وه‌ربگرن ،لێ بێ ئه‌نجام بۆ ل دیماهیکێ یه‌ک ژ وان چه‌کدارا گۆتی : ئه‌م خارنا ( ق.د.پ ) ێ ناخۆین!  ئانکۆ مه‌به‌ستئ وان ( پارتی) بو.

 

پشتی هنگی مه‌ داخاز ژوان کرن ژ جهێ سه‌یرانا مه‌ دورکه‌ڤن ژبه‌ر کو سه‌یرانه‌ک تایبه‌ته‌ و ژبه‌ر پاراستنا گیانێ قۆتابی و مامۆستایان، وان ژی رێکا خۆ گرت و به‌ره‌ڤ چیا زڤرین ڤه‌ .

ل وی ده‌می ئه‌م هه‌می قۆتابی و مامۆستا بۆین، چ چه‌کدار , پێشمه‌رگه‌  د گه‌ل مه‌ دا نه‌بۆن، به‌س وه‌ک دیار وه‌سا هاتینه‌ په‌روه‌رده‌ کرن کۆ چ جییاوازی نینه‌ بۆ وان د ناڤبه‌را قۆتابی یان چه‌کداره‌کی دا، یا گرنگ خه‌لکێ باشورێ کوردستانێ نه‌ .  ئه‌ڤ سه‌رهاتی یه‌ و نمونه‌ وێ چه‌ندێ د سه‌لمینیت، کو وان ب به‌رنامه‌ و پیلان دژایه‌تیا  وه‌لاتیێن کوردستانێ کریه‌ .

ئه‌ڤرو  پشتی ۲٦ سالان، ده‌مێ مرۆڤ هینده‌ک ژ کریارێن چه‌کداریێ پ.ک.ک  دبینیت و ئه‌و غرۆرا سیاسی یا ئه‌و تێدا دێ دیار بیت کو ئه‌وان ژمێژه‌ دژایه‌تیا ده‌ستکه‌فتێن باشور کرییه‌ بێ هییچ ئه‌گه‌ر بزاڤا خۆ سه‌پاندنێ کریه‌ یه‌، چمکی ل سالا ۱۹۹٤ ، پشتی سه‌رهه‌لدانا باشوۆرێ کوردستانێ کو وه‌لاتییێ کوردستانێ ب هزاره‌ها شه‌هید بۆ داینه‌ ، ل وی ده‌می دا چ  شه‌رێن ناڤخوی نه‌بۆن، چ هێزێن بییانی د ناڤ ئاخا کوردستانێ دا نه‌بۆن.

 یا دیاره‌ ئه‌وان به‌ری ۲٦ سالان خارنا وه‌لاتین مه‌ ل باشورێ کوردستانێ ل خۆ حه‌رام کریه‌ ، لێ جهێ گۆمانێ یه‌ بۆچی و ژبه‌ر چی ل سه‌ر ئاخا مه‌ دژین و ب خۆرتی خۆ سه‌پاندی یه‌ ؟

ئه‌و ئاخا ب هزاره‌هان شه‌هید بۆ هاتیه‌ دان .

ئه‌ڤرو وه‌لایێن کوردستانێ ماندی بۆنه‌ و ڤێزار بونه‌ ژ کریارێن (پ.ک.ک) ,  و چ شه‌ر و مال وێرانیا ناخازن  ، له‌وا فه‌ره‌ پێداچونه‌کێ د سیاسه‌تا خۆ دا بیکه‌ن ئیدی بلا خارنا حه‌لال یا کوردان ب خون و کوشتنا برایێن خو یێن کورد ل خۆ حه‌رام بیکه‌ن.