دوای ئه‌وه‌ی دوێنێ به‌ڕێوه‌به‌رایه‌تی هاتووچۆی هه‌ولێر ناوه‌ندێكی ڤی ئای پی بۆ تۆماركردنی ئۆتۆمبیل و نوێكردنه‌وه‌ی ساڵانه ڕاگه‌یاند، ئه‌م بڕیاره‌ی به‌ڕێوه‌به‌رایه‌تی هاتووچۆی هه‌ولێر ناڕه‌زاییه‌كی گه‌وره‌ی هاوڵاتیانی كوردستان به گشتی و پارێزگای هه‌ولێری به تایبه‌ت لێكه‌وته‌وه و داوایان كرد هه‌رچی زووه ئه‌و ناوه‌نده هه‌ڵبوه‌شێندرێته‌وه و دابخرێت.
ئه‌مڕۆ پێنج شه‌ممه‌ش له‌سه‌ر ڕاسپارده‌ی سه‌رۆك بارزانی بۆ دروستنه‌كردنی جیاوازی له نێو چینه كۆمه‌ڵایه‌تییه‌كان و نه‌هێشتنی ناڕه‌زایه‌تییه‌كان ئه‌و ناوه‌نده داخرا.
له‌م باره‌یه‌وه باره‌گای بارزانی له پێگه‌ی فه‌رمی خۆی له تۆڕی كۆمه‌ڵایه‌تی فه‌یسبووك له ڕاگه‌ێندراوێكدا ڕایگه‌یاند: له‌سه‌ر راسپارده‌ی جه‌نابی سه‌رۆك بارزانی، به‌شی VIP له به‌ڕێوبه‌رایه‌تی هاتووچۆی هه‌ولێر داده‌خرێت.
کۆمێنت (0)
تا ئێستا هیچ کۆمێنتێک نەکراوە.