سەرچاوەیەكی ئەمنی لە پارێزگای كەركووك رایگەیاند كە ئەمڕۆ بەهۆی یاری پۆبجی كێشە لەنێوان دوو كەسدا كە هاورێی یەك بوون درووست بووەو بەو هۆیەوە كەسێك كوژراوە.
سەرچاوەكە روونیكردەوە كە كێشەكە لەنێوان دوو كەسی دانیشتووی گەڕەكی 1ی حوزەیرانی باشووری كەركووك دروست بووە ، كە خەریكی یاری بەناوبانگی پۆپجی بوون، دواتر یەكێكیان لە هاوڕێكەی تووڕە بووە گوایە لە یارییەكەدا بەهانایەوە نەچووە و بەو هۆیەوە دۆڕاوە .
سەرچاوە ئەمنییەكە راشیگەیاند كە یەكێكیان چەكی پێبووەو تەقەی كردووە، بەو هۆیەوە كەسێكی مەدەنی كە لە دەرگای ماڵەكەی خۆی راوەستاوە و تەماشای ئەو دوو گەنجەی كردووە لەسەر یارییەكە دەنگە دەنگیان بووە، بەركەوتووەو دەستبەجێ گیانی لە دەستداوە.
شایانی باسە بەهۆی ئەو یارییەوە لە ماوەی رابردوودا چەندین كێشە بۆ بەكارهێنەرانی دروست بووە .
سوهێل تاهیر : كوردستان تیڤی
کۆمێنت (0)
تا ئێستا هیچ کۆمێنتێک نەکراوە.