وەزارەتی سامانە سروشتییەكانی هەرێمی كوردستان ئاشكرای كرد كە تا ئێستا نەوتیان بەسەر 80%ی خێزانەكانی هەرێمی كوردستان دابەشكردووە.
وەزارەتەكە بڵاوی كردەوە "تا ئێستا نزیکەی 219 ملیۆن لیتر نەوتی سپی بەسەر زیاتر لە ملیۆنێک خێزانی هەرێمی كوردستان دابەش کراوە".
بڵاویشی كردەوە "بەمەش تا ئێستا ڕێژەی 80%ی خەڵكی هەرێمی كوردستان نەوتیان بەسەردا دابەشكراوە".
وەزارەتی سامانە سروشتییەكان پێش هاتنی وەرزی سەرماوسۆڵەی زستان، دەستی بە دابەشكردنی نەوتی سپی بەسەر هاووڵاتییانی هەرێمی كوردستان كرد.
هەر خێزانێك 200 لیتر نەوتی سپی پێدراوە بە نرخی 100 هەزار دینار، دابەشكردنی نەوتەكەش بەردەوام دەبێت تاوەكو 100%ی خەڵكی هەرێمی كوردستان نەوتیان پێ دەدرێت.
کۆمێنت (0)
تا ئێستا هیچ کۆمێنتێک نەکراوە.