لە هەولێر دوو كەس دەستگیر كران كە بەهۆی تەقەكردنەوە، كەسێكی دیكەیان بریندار كردبوو.
پۆلیسی هەولێر رایگەیاند "دوو تۆمەتباری بە ناوەکانی (ا. ص. ح) و (ن. خ. و) دەستگیر کران کە لەسەر کێشەیەکی بچووک هەڵسابوون بە تەقەکردن و لە ئەنجامیشدا کەسێک زامدار ببوو".
راشیگەیاند "تۆمەتبارانی ئاماژەپێکراو، دانیان نا بە تاوانەکەیاندا، بۆیە بە بڕیاری دادوەری لێکۆڵینەوە و بەپێی ماددە (405 - بڕگەی 31) لە یاسای سزادان، ڕاگیران و لێکۆڵینەوەش لەگەڵیاندا بەردەوامە".
پۆلیسی هەولێر داواشی لە هاووڵاتییان كرد لە کاتی کێشە و بوونی ڕووداوە نەخوازراوەکان، هەرگیز پەنا بۆ بەکارهێنانی چەک نەبەن، بەڵکو بۆ یەکلاییکردنەوەی کێشەکانیان لە ڕێگای یاساوە، پۆلیس ئاگادار بکەنەوە.
کۆمێنت (0)
تا ئێستا هیچ کۆمێنتێک نەکراوە.