محەمەد شیاع سوودانی سەرۆکوەزیرانی عێراق گەیشتە فڕۆکەخانەی نێودەوڵەتیی هەولێر و لەلایەن مەسرور بارزانی سه‌رۆكی حكومه‌تی هه‌رێمی كوردستان پێشوازی لێ كرا. محه‌مه‌د شیاع سوودانی له هه‌ولێر له‌گه‌ڵ به‌رپرسانی باڵای هه‌رێمی كوردستان چه‌ند پرسێك تاوتوێ ده‌كات.
بڕیاره سوودانی له‌گه‌ڵ سەرۆک بارزانی، نێچیرڤان بارزانی سه‌رۆكی هه‌رێمی كوردستان و مه‌سرور بارزانی سه‌رۆكوه‌زیرانی هه‌رێمی كوردستان كۆببێته‌وه.
به گوێره زانیارییه‌كانی كوردستان تیڤی سوودانی له هه‌ولێر باس له پرسی پێكهێنانی كابینه‌ی ده‌یه‌می حكومه‌تی هه‌رێمی كوردستان، دووباره هه‌نارده‌كردنه‌وه‌ی نه‌وت، سه‌رژمێری گشتی و بودجه و مووچه‌ی خه‌ڵكی كوردستان و رێگه‌ی گه‌شه‌پێدان و چه‌ند بابه‌تێكی دیكه ده‌كات. سه‌رۆكوه‌زیرانی عێراق دواتر سه‌ردانی سلێمانی ده‌كات و له‌گه‌ڵ به‌شێك له لایه‌نه سیاسییه‌كان كۆده‌بێته‌وه.
کۆمێنت (0)
تا ئێستا هیچ کۆمێنتێک نەکراوە.