ئەمڕۆ سێشەممە لە دەروازەی سنووری ئیبراهیم خەلیل لە زاخۆ ئۆتۆمبێلێكی بارهەڵگر لە هاووڵاتییەكی توركی دا و بەهۆیەوە گیانی لەدەست دا.
پۆلیسی زاخۆ لەبارەی رووداوەكە رایگەیاند: ئەمرۆ سێشەممە لە كاتژمێر 11:40ی پێش نیوەڕۆ لە نزیك رێگای ئیبراهیم خەلیل، ئۆتۆمبێلێكی بارهەڵگر خۆی كێشا هاووڵاتییەكی بەڕەگەز تورك بەناوی (ی. ئا) تەمەن 61 ساڵ.
راشیگەیاند: هاووڵاتییە توركەكە دوای رووداوەكە رەوانەی نەخۆشخانەی فریاكەوتنی زاخۆ كرا، بەڵام بەهۆی سەختی برینەكەوە گیانی لەدەست دا.
پۆلیسی زاخۆ ئاماژەی بەوەش دا شوفێری بارهەڵگرەكە بەپێی ماددەی 24 لە یاسای هاتوچۆ دەستگیركراوە و لێكۆڵینەوەكانیش لە هۆكاری كەوتنەوەی رووداوەكە دەستی پێ كردووە.
کۆمێنت (0)
تا ئێستا هیچ کۆمێنتێک نەکراوە.