لە كۆبوونەوەی هاوبەشی ئەمڕۆ پێنجشەممەی نێوان وەزارەتی ناوخۆ و وەزارەتی گواستنەوە و گەیاندن، بڕیاردراوە رێكارەكان بۆ فرۆشتنی سیمكارتی بێ مۆڵەت توندتر بكرێن و هەر شوێنێك ئەم جۆرە سیمكارتانەی لێ بفرۆشێت دابخرێت و سزایەكی دارایی توندیش بدرێت.
ئەمڕۆ پێنجشەممە لە دیوانی وەزارەتی ناوخۆ، كۆبوونەوەیەكی تایبەتی نێوان وەزارەتی ناوخۆ و وەزارەتی گواستنەوە و گەیاندن بە ئامادەبوونی 7 كۆمپانیای پەیوەندیكردنی مۆبایل و ئینتەرنێت بۆ تاوتوێكردنی چەند پرسێك ئەنجامدراوە، یەكێك لەو پرسانەش بابەتی سیمكارتی بێ مۆڵەت بووە.
لە كۆبوونەوەكەدا بڕیاردراوە جێبەجێكردنی رێنماییەكانی ژمارە 8ی ساڵی 2021ی وەزارەتی ناوخۆ توندوتۆڵتر بكرێنەوە و فرۆشتنی سیمكارت لە بریكارە سەرەكی و لاوەكی كۆمپانیاكانی پەیوەندیكردن بە تۆماركردنی فۆڕم ئەنجام بدرێت و بەبێ پڕكردنەوەی فۆڕم هیچ سمیكارتێك دابەش نەكرێت، بە پێچەوانەشەوە هەر كەسێك ئەمە نەكات مافی بریكاری فرۆشتنی سیمكارتی لێ وەردەگیرێتەوە.
جەختیش لەوە كراوەتەوە كە هەر شوێن و دوكانێك سیمكارتی بێ مۆڵەت یاخود بێ تۆماركردنی لێ بفرۆشێت، دادەخرێت و سزای دارایی توندیشی بەسەردا دەسەپێنرێت.
کۆمێنت (0)
تا ئێستا هیچ کۆمێنتێک نەکراوە.