واشنتۆن ده‌ڵێت، هیچ ئاماژه‌یه‌ك نیه ئێران وه‌ڵامی كوژرانی حه‌سه‌ن نه‌سڕوڵڵا بداته‌وه. بەرپرسێکی ئەمه‌ریکی به تۆڕی هه‌واڵی سی ئێن ئێنی رایگه‌یاند، هیچ ئاماژەیەک نییە کە ئێران خۆی بۆ کاردانەوەی گەورە ئامادە دەکات، دوای كوژرانی حەسەن نەسروڵڵا، سکرتێری گشتی حزبوڵڵای لوبنان، له‌لایه‌ن سوپای ئیسرائیله‌وه.
ئه‌و به‌رپرسه ئه‌مه‌ریكییه ئاماژه‌ی به‌وه‌شكرد، تا ئێستا نازانرێت وەڵامی تۆڵەسەندنەوە لە لایەن حزبوڵڵای لوبنان و ئێران، به یه‌كه‌وه ده‌بێت یان به جیا، چونكه تا ئێستا هیچ ئاماژه‌یه‌ك نیه كه ئێران له تۆڵه‌ی كوژرانی نه‌سروڵڵا، هێرشبكاته سه‌ر ئیسڕائیل.
جێی ئاماژه‌یه، ئێواره‌ی هه‌ینی حه‌سه‌ن نه‌سروڵڵا، ئه‌مینداری گشتی حزبوڵڵای لوبنان و ژماره‌یه‌ك له سه‌ركرده باڵاكانی له كۆبونه‌وه‌یه‌كدا له ناوچه‌ی زاحییه، له بۆردومانێكی چڕی فڕۆكه‌ی بێفڕۆكه‌وانی ئیسڕائیلدا كوژران.
کۆمێنت (0)
تا ئێستا هیچ کۆمێنتێک نەکراوە.