لە كۆبوونەوەی سەرۆکی فەرمانگەی میدیا و زانیاری لەگەڵ ڕاوێژکاری سەرۆک وەزیرانی هەرێمی کوردستان بۆ کاروباری دەرەوە، تاوتوێی پرسی گۆڕانكارییەكانی كەشوهەوا و كاریگەری بەسەر هەرێمی كوردستانەوە كرا.
ئەمڕۆ پێنجشەممە د. جوتیار عادل سەرۆکی فەرمانگەی میدیا و زانیاریی حکوومەتی هەرێمی کوردستان پێشوازی لە بەیان سامی عەبدولڕەحمان ڕاوێژکاری سەرۆکوەزیرانی هەرێمی کوردستان بۆ کاروباری دەرەوە و گۆڕانی کەشوهەوا کرد.
لە دیدارەکدا گفتوگۆ لەسەر بابەتە پەیوەندیدارەکانی میدیا و کاروباری دەرەوە و کارەکانی حکوومەتی هەرێمی کوردستان لەم ڕووەوە کرا.
لایەنێکی دیکەی گفتوگۆی هەردوولا، لەسەر پرسی گۆڕانی کەشوهەوا و ڕەهەند و مەترسییەکانی ئەو دیاردە جیهانییە و کاریگەری بەسەر هەرێمی کوردستانەوە بوو.
بەیان سامی عەبدولڕەحمان ستایشی ڕۆڵی فەرمانگەی میدیا و زانیاری کرد لە گەیاندنی پەیامی حکوومەتی هەرێمی کوردستان پەیوەست بە هۆشیارییە جۆراوجۆرەکان، بەتایبەتی لە پرسی گۆڕانی کەشوهەوا و پرسەکانی کاروباری دەرەوە.
کۆمێنت (0)
تا ئێستا هیچ کۆمێنتێک نەکراوە.