یەكێتی تۆپی پێی ئەوروپا (یوفا) ئەمڕۆ سێشەممە پێكهاتەی نموونەیی پاڵەوانیەتی جامی یۆرۆ 2024ی بڵاو كردەوە كە رۆژی یەكشەممەی داهاتوو لە ئەڵمانیا كۆتایی هات و تێیدا ئیسپانیا بووە پاڵەوانی پاڵەوانیەتییەكە.
لە پێكهاتەكەدا ناوی شەش یاریزانی هەڵبژاردەی ئیسپانیا هاتووە كە ئەوانیش پێكهاتوون لە: مارك كۆكۆریا، دانی ئۆلمۆ، رۆدری، فابیان رۆیز، لامین یامال و نیكۆ ویلیامز.
هەر لە پێكهاتە نموونەییەكەی جامی یۆرۆی 2024، دوو یاریزانی هەڵبژاردەی فڕەنسا هەن، لەگەڵ یاریزانێكی هەریەك لە هەڵبژاردەكانی ئینگلتەڕا و سویسڕا و ئەڵمانیا.
شەوی یەكشەممەی رابردوو هەڵبژاردەی ئیسپانیا چوارەمین جامی یۆرۆی بەدەستهێنا دوای بردنەوەی لە هەڵبژاردەی ئینگلتەڕا بە ئەنجامی 2-1 گۆڵ لە یاریی كۆتایی پاڵەوانیەتییەكەدا لەنێو یاریگەی ئۆڵەمپی لە بەرلینی پایتەختی ئەڵمانیا.
پێكهاتە نموونەییەكەی جامی یۆرۆی 2024 بەمشێوەی خوارەوەیە:-
گۆڵپارێز: مایك ماینان (فڕەنسا)
هێڵی بەرگری: مارك كۆكۆریا (ئیسپانیا)، مانوێل ئەكانجی (سویسڕا)، ویلیام سالیبا (فڕەنسا)، كایل وۆكەر (ئینگلتەڕا).
هێڵی ناوەڕاست: دانی ئۆلمۆ (ئیسپانیا)، رۆدری (ئیسپانیا، فابیان رۆیز (ئیسپانیا).
هێڵی هێرشبەر: لامین یامال (ئیسپانیا)، جەمال مۆسیالا (ئەڵمانیا)، نیكۆ ویلیامز (ئیسپانیا).
کۆمێنت (0)
تا ئێستا هیچ کۆمێنتێک نەکراوە.