سەرۆکایەتی ئەرکانی وەزارەتی پێشمەرگە لە بانگەوازێکدا، داوا لە هێزەکانی(70و80)ی پێشمەرگە و گشت بەڕێوەبەرایەتیەکانی سەر بەوەزارەت،فەرماندەیی زێرەڤانی، بەرگری و فریاکەوتن، کۆلێژی ئەرکان، فیرقەکانی(4،3٫2٫1) و لیواكانی پیادە، بنکەکانی مەشقی (سلێمانی-کەرکوک-دهۆک)دەکەن، کە ناوی کاندیدەکانیان بۆ ڕەوانە بکەن بۆ بەشداریکردن لە خولی 85ی کولێژی ئەرکان لە بەغداد.
وه‌زاره‌تی پێشمه‌رگه ئاماژه‌ی به‌وه‌ش داوه، دوا كات بۆ وەرگرتنی ناوی کاندید 2024/7/15ـە.
هه‌روه‌ها ئاماژه به‌وه‌ش دراوه، پێویستە پاڵێوراوە ئەو مەرجانەی تێدابێت:
1- بەکالۆریۆسی هەبێت لەزانستی سەربازی.
2- خولی سەرکردایەتی تەواوکردبێت.
3- تەمەنی لە 38ساڵ زیاتر نەبێت.
4- پلەی سەربازی نه‌قیب یان رائید بێت.
5- زمانی عەرەبی بزانێت.
کۆمێنت (0)
تا ئێستا هیچ کۆمێنتێک نەکراوە.