هاووڵاتییه‌كی نیپاڵی له ڕووباری زێی گه‌وره له سنووری قه‌زای خه‌بات له پارێزگای هه‌ولێر خنكا.
نیوه‌ڕۆی ئه‌مڕۆ یه‌كشه‌ممه 7ی7ی2024، ته‌رمی هاووڵاتییه‌كی نیپاڵی له ڕووباری زێی گه‌وره دۆزرایه‌وه، ئه‌و هاووڵاتییه ناوی میلان گارایه و دانیشتووی قه‌زای عه‌نكاوه بووه.
ناوبراو، له ڕۆژی هه‌ینی ڕابردوو 5ی7ی2024، چووه‌ته لێواری ڕووباری زێی گه‌وره
له‌و باره‌یه‌وه، ڕائید ئامانج شێخانی ئه‌فسه‌ر له به‌رگریی شارستانی خه‌بات به كوردستان تیڤی راگه‌یاند، دوای ئه‌وه‌ی تیمه‌كانی سه‌ر به به‌ڕێوه‌به‌رایه‌تییه‌كه‌مان ئاگادار كرانه‌وه به هه‌بوونی حاڵه‌تێكی خنكان له ڕووباری زێی گه‌وره،ئه‌مڕۆ یه‌كشه‌ممه 7ی7ی2024، له‌لایه‌ن تیمه‌كانمانه‌وه ته‌رمی هاووڵاتییه نیپاڵییه‌كه دۆزرایه‌وه.
ئه‌فسه‌ره‌كه‌ی به‌رگری شارستانیی خه‌بات گوتیشی، ته‌رمه‌كه ڕه‌وانه‌ی پزیشكی دادی هه‌ولێر كراوه.
سالار نامیق - خه‌بات
کۆمێنت (0)
تا ئێستا هیچ کۆمێنتێک نەکراوە.